Müheyya oldu meclis sakiya peymaneler dönsün

Müheyya oldı meclis sakiya peymaneler dönsün
Bu bezm-i ruh-bahşın şevkına mestaneler dönsün

Dila cam-ı şarab-ı ‛aşk-ı yarı öyle nuş it kim
Felekler güm güm ötsün başına hum-haneler dönsün

Hayal-i şem‛-i ruhsarın ko yansun hane-i dilde
Yakup ol şem‛e perin şevk ile pervaneler dönsün

Sen ağyar ile devr itdün peymaneyi da ’im
Ser-i kuyun dolanup ‛aşık-ı divaneler dönsün

Bu bezm-i dil-güşaya mahrem olmaz Bakiya herkes
Di gelsün ehl-i diller gelmesün biganeler dönsün